MOP "Menipu Orang Banyak"

.... "RINDU KAWAN LAMA" ....

Obed deng Mina mantan kawan satu keLas SMA di Kupang, muLai LuLus sekoLah dong dua sonde pernah bakatumu Lai seLama 12 taon. Sonde sangaja akhirnya dong bakatumu di Fesbuk, Obed shu rindu stengah mati ingin pi katumu Mina di Mina pung kampung haLaman di LeLogama sana, trus dong bachating Lewat WhatsApp ..



OBED : "Mina .. . Beta shu sampe di LeLogama nih, Lu pung rumah di sebeLah mana .. .??"

MINA : "Yang ada gapura kaka, kaka masok sha dari gapura situ sekitar 25 meter ada rumah tingkat 3, warna hijo, ada otto bemo banyak ..

OBED : "Siiaaap .. . Beta shu di muka rumah .. .!!" We Lu shu sukses hew ..

MINA : "Bukan kaka .. . Dari situ kaka beLok kanan 10 meter Lai, ada Lapangan voLi. Nah di samping situ kaka ..

OBED : "Siiaapp .. .!!" Beta shu sampe nih. Itu Lu pung rumah kow .. .??"

MINA : "Bukan kaka, itu tukang urut pung rumah. Dari situ kaka Lurus sha, pas ada deker dari situ shu dapa Lia kios kici, isi uLang puLsa ..

OBED : "Oke .. . Beta shu sampe .. .!!" Ohw jadi Lu pung rumah yang ada bajuaL puLsa nih kow .. .??"

MINA : "Itu dia pung nama counter kaka, dari counter kaka ame kanan trus katumu kuburan. Nah depan kuburan situ ada bangunan tuh kaka ..

OBED : "(MuLai emosi) Jadi Lu pung rumah di samping kuburan sini nih kow Mina .. .??"

MINA : "Bukan haang .. .!!" Itu penjaga kuburan pung rumah. Kaka jang masok pi situ tapi beLok pi kiri, Lewat kebun pisang, nanti keLiatan kandang Sapi ..

OBED : "Itu Lu pung rumah kow .. .??"

MINA : "Beta bukan Sapi hang .. .!!" Dari sana kaka pi arah kebun ..

OBED : "(Kakodok) Itu Lu pung kandang kow .. .??"

MINA : "Memangny beta kode kow .. .??" Kaka ada-ada sha. Lewat sha iko itu kebun, iko jaLan kici sampe katumu gereja kici, persis di dia pung sebeLah ..

OBED : "(Marah-marah) Satu kaLi Lai Lu biLang itu bukan Lu pung rumah. Beta ru'i Lu pung kariting fafu'ak kaLo katumu Lu. Beta pung pinggang shu mo taLapas sha Mina ..

MINA : "Heeheeheeee .. . Sabar kaka, jang emosi bagitu .. . Karmana shu keLiatan beta pung rumah toh .. .??"

OBED : "(Senyum-senyum senang) Beta shu di Lu pung muka rumah nih. Tuher hew badan pung cape Lai. Pokoknya Lu tanggung jawab how Mina, urut beta dan bikin kopi Heeheeheee ..

MINA : "Nah masok shu kaka, ada mama tua di daLam ..

OBED : "Trus Lu di mana .. .??"

MINA : "Beta masih di Hongkong kaka, jadi TKW ..

Obed Langsung paLese gigit gagang pintu ..
Wahaahaaaa